Yasmina Reza (* 1. Mai 1959 in Paris) is en franzöösche Schrieversche un Schauspelersche. In de ganze Welt is se vunwegen ehr Stücken „Art“ (dt.: Kunst) un „Trois versions de la vie“ (dt.: Drei mal Leben) in de lesten 10 Johren en vun de hüdigen Theaterschrievers wurrn, de an’n meisten speelt weert.
Herkamen un Familie Yasmina Reza is in Paris upwussen. Se stammt ut en jöödsche Familie, de allerwegens up de Welt tohuse is. Ehr Vadder keem ut’n Iran, ehre Mudder weer ut Ungarn un „de Grootöllern sünd enerwegens in Amerika inkuhlt“, as Reza süms seggt. Se is jummers noch in Paris tohuse un hett twee Kinner, en Deern un en Jung.
Woans dat mit de Kunst lopen is Reza hett Schauspeel studeert an de Universität Paris X un an de Universität Paris-Nanterre. Later is se an de Ecole Internationale de Théâtre Jacques Lecoq vun Jacques Lecoq gahn. Na’n Afsluss hett se up allerhand franzöösche Böhnen Stücken vun hüdige un klassische Schrievers speelt. 1987 füng se an, süms to schrieven. Dat duer nich lang un ehr Saken sund goot ankamen. För ehre eersten beiden Stücken hett se al den franzööschen Theaterpries „Molière för kregen. Dat drüdde Stück mit den Naam „Art“ is denn al över de ganze Welt hen wunnerbor anlopen. Dor is se denn ok in de ganze Welt as Schrieversche mit bekannt wurrn un hett verscheden internatschonalen Priesen kregen. An’t Enn vun de 1990er Johren füng se an un schreev ok Dreihböker un Prosa. Reza hett mol seggt, ehre eenzige Heimot, dat weer de Franzöösche Spraak. Just is se in Düütschland up’n Markt mit en Book över Nicolas Sarkozy. In dat Book „L’aube le soir ou la nuit“ (dt.: „Frühmorgens, abends oder nachts“) schrifft se, wie se vun Vörjohr 2006 bit Vörjohr 2007 een Johr mit em up Wahlkampf-Törn unnerwegens is.
Theaterstücken Conversations après un enterrement („Gespräche nach einer Beerdigung“, 1987), Prix Molière La Traversée de l’hiver („Reise in den Winter“, 1989) Art („Kunst“, 1994), Prix Molière, Tony Award 1998, in 40 Spraken översett. 1994 in Paris to’n eersten Mol upföhrt. Düütsch vun Eugen Helmlé. ISBN 3-909081-77-0 L’homme du hasard („Der Mann des Zufalls“, 1995) Trois versions de la vie („Drei Mal Leben“, 2000), To’n eersten Mol upföhrt an dat Borgtheater in Wien, Regie: Luc Bondy. Översett vun Eugen Helmlé. ISBN 3-909081-87-8 Une pièce espagnole („Ein spanisches Stück“, 2004). Düütsch vun Frank Heibert un Hinrich Schmidt-Henkel. ISBN 3-90908198-3 Une lumière („Ein Grammophon“, 2006) Le dieu du carnage („Der Gott des Gemetzels“, 2006), To’n eersten Mol upföhrt an dat Schauspeelhuus, Speelbaas: Jürgen Gosch. Düütsch vun Frank Heibert un Hinrich Schmidt-Henkel. ISBN 3-905707-13-6
Prosa Hammerklavier. Eine Sonate, 1998. Düütsch vun Eugen Helmlé. ISBN 3-250-60023-7 Une Désolation („Eine Verzweiflung“, 1999), 2001. Düütsch vun Eugen Helmlé. ISBN 3-446-199-780 Adam Haberberg („Adam Haberberg“, 2004), 2005. Düütsch vun Frank Heibert un Hinrich Schmidt-Henkel. ISBN 3-446-205-756 Dans la luge d’Arthur Schopenhauer („Im Schlitten Arthur Schopenhauers“, 2005), 2006. Övers. vun Frank Heibert un Hinrich Schmidt-Henkel ISBN 3-446-207-201 Nulle part, 2005 L’aube le soir ou la nuit („Frühmorgens, abends oder nachts", 2007), 2008. Övers. vun Frank Heibert un Hinrich Schmidt-Henkel. ISBN 3-446-230-297
Filmwark Johr Titel FunkschoonSynchroonsnacker 1982 Que les gros salaires lèvent le doigt! Dorsteller 1983 Jusqu'à la nuit DreihbookDorsteller 1986 Le goûter chez Niels, Kortfilm Dorsteller 1992 À demain DreihbookDorsteller 2000 Le pique-nique de Lulu Kreutz Schriever — 2001 Loindt.: Weit weg Dorsteller 2010 Chicas DreihbookSpeelbaas — 2011 Carnagedt.: Der Gott des Gemetzels Dreihbook — 2012 Müvészet Dreihbook — 2016 Bella Figrua Dreihbook —
Up Platt is nix vun Yasmina Reza rutkamen.
Weblenks
Yasmina Reza* Der Gott des Gemetzels auf dem Theaterkanal Michael Ebert: Essay "Zum Theater der Yasmina Reza" up NACHTKRITIK.de
Kategorie:Fru Kategorie:Börger von Frankriek Kategorie:Speelbaas Kategorie:Schauspeler Kategorie:Schriever Kategorie:Boren 1959