Adamin is en teemlich roor Mineral ut de Libethenit-Reeg vun de waterfre’en Phosphaten mit inlagerte Frömdionen. Dat Mineral kristalliseert in’t orthorhombische Kristallsystem un hett dorbi de cheemsch Formel Zn2(AsO4)(OH). Adamin billt korte un lange prismatsche Kristallen, de faken in de Form vun en Dubbelpyramid (Oktaeder) vörkamt. Sien Klöör wesselt twüschen geel, ahn Klöör, geelgröön, gröön, rosa un vigelett. Ünner UV-Licht lüücht Adamin gröön bit geelgröön op.
Wietere Mineralen ut de Libethenit-Reeg sünd: Libethenit, Olivenit, Eveit, Paradamin, Tarbuttit un Zincolibethenit.
Varietäten thumb|left|175px|Geldgröön lüüchend AdaminDat gifft en Reeg vun Varietäten, wobi de Zink in dat Mineral deelwies dör de Elementen uttuuscht sünd, de in den Naam staht. So gifft dat neven dat Adamin ok Cuproadamin, Aluminiumadamin, Kobaltadamin, Manganadamin und Nickeladamin. Adamin billt mit Olivenit en Mischreeg mit tonehmend Koppergeholt hen na Olivenit. Binnen disse Mischreeg kummt Cuproadamin vör. Dorüm warrt dat Mineral tomeist nich as en egenstännig Varietät ansehn.
Entstahn un Vörkamen Adamin is faken in Sellschap mit Aurichalcit, Hemimorphit, Konichalcit, Limonit oder Smithsonit in Zinklagersteden to finnen.
Vörkamen vun dat Mineral gifft dat ünner annern in Cap Garonne in Frankriek, Laurion in Grekenland, Mapimi/Durango in Mexiko un Tusmeb in Namibia.
Literatur Paul Ramdohr, Hugo Strunz: Lehrbuch der Mineralogie (16. Opl.), Ferdinand Enke Verlag (1978), ISBN 3-432-82986-8 Edition DÖRFLER: Mineralien Enzyklopädie, Nebel Verlag, ISBN 3-89555-076-0
Weblenken
Mineralenatlas - Adamin Mineralen-Lexikon - Adamin
Kategorie:Mineral